ცვლილებები შეეხო გეოსაინფორმაციო პაკეტის მომზადების პროცედურსაც; მომსახურება ფასიანი გახდა, მეწარმეებს შესაძლებლობა აქვთ ისარგებლონ როგორც სტანდარტული, ასევე დაჩქარებული მომსახურებით. ეს მიდგომა განსაკუთრებით მნიშვნელოვანია იმ ბიზნესებისთვის, რომლებიც დაინტერესებულნი არიან სერვისის უფრო სწრაფად მიღებით, ხოლო მიღებული საფასური უზრუნველყოფს სახელმწიფოს მიერ გაწეული ხარჯების კომპენსაციას. 

სტანდარტული მომსახურების ფარგლებში, გეოსაინფორმაციო პაკეტის 45-დღიან ვადაში მომზადება მიწისქვეშა თერმული, მტკნარი და მინერალური წყლების შემთხვევაში ღირს 200 ლარი დღგ-ს ჩათვლით; სხვა სასარგებლო წიაღისეულის შემთხვევაში 10 ჰექტრამდე ტერიტორიისთვის - 400 ლარი, ხოლო 10 ჰექტარზე მეტი ფართობისთვის - 500 ლარი. დაჩქარებული მომსახურების პირობებში, მიწისქვეშა თერმული, მტკნარი და მინერალური წყლებისთვის 20-დღიან ვადაში პაკეტის მომზადება ღირს 500 ლარი; სხვა სასარგებლო წიაღისეულისთვის 10 ჰექტრამდე ტერიტორიის შემთხვევაში - 800 ლარი 25 დღეში, ხოლო 10 ჰექტარზე მეტი ფართობისთვის იგივე ვადაში - 1 000 ლარი.

აღნიშნული ცვლილებების შედეგად, ქვეყნის წიაღის სექტორი გახდება არა მხოლოდ უფრო გამჭვირვალე და ბიზნესზე ორიენტირებული, არამედ უკეთესად თავსებადი გარემოს დაცვის პრინციპებთან. ოპტიმიზირებული ვადები და გამარტივებული პროცედურები უზრუნველყოფს რესურსების უფრო ეფექტიან გამოყენებას და ხელს შეუწყობს სასარგებლო წიაღისეულის პასუხისმგებლიან მართვას.

ვრცლად იხილეთ:   

https://matsne.gov.ge/ka/document/view/6625109

https://matsne.gov.ge/ka/document/view/6625087