სსიპ მინერალური რესურსების ეროვნული სააგენტოს ინიციატივით, საქართველოს ტექნიკური უნივერსიტეტის სამთო-გეოლოგიური ფაკულტეტის დამამთავრებელი კურსის წარჩინებულ სტუდენტებსა და კურსდამთავრებულებს შესაძლებლობა ექნებათ სააგენტოს სასარგებლო წიაღისეულის მართვის დეპარტამენტში სტაჟირება გაიარონ.

სტუდენტებთან და კურსდამთავრებულებთან გამართულ შეხევედრაზე სააგენტოს უფროსმა აბელ აბესაძემ აღნიშნა, რომ მინერალური რესურსების ეროვნულ სააგენტოში სტაჟირება მოიცავს როგორც თეორიულ გადამზადებას, ასევე პრაქტიკულ საველე სწავლებას, რაც მონაწილეებს შესაძლებლობას მისცემს, პროფესიული უნარები რეალურ სამუშაო გარემოში განავითარონ.

შეხვედრაზე განსაკუთრებული ყურადღება გამახვილდა დარგში ახალგაზრდა და კვალიფიციური კადრების მნიშვნელობაზე.

გარემოს დაცვისა და სოფლის მეურნეობის სამინისტროს მინერალური რესურსების ეროვნულ სააგენტოსა და საქართველოს ტექნიკურ უნივერსიტეტს შორის ურთიერთთანამშრომლობის მემორანდუმი გაფორმდა, რომელიც მიზნად ისახავს საგანმანათლებლო სფეროში თანამშრომლობის გაძლიერებას და სტუდენტების პროფესიული განვითარების ხელშეწყობას.

მემორანდუმს ხელი მინერალური რესურსების ეროვნული სააგენტოს უფროსმა აბელ აბესაძემ და საქართველოს ტექნიკური უნივერსიტეტის ვიცე-რექტორმა თამარ წერეთელმა მოაწერეს.

გარემოს დაცვისა და სოფლის მეურნეობის სამინისტროს მინერალური რესურსების ეროვნული სააგენტოს უფროსი აბელ აბესაძე ჟენევაში გამართულ გაეროს ევროპის ეკონომიკური კომისიის რესურსების მართვის კვირეულსა და რესურსების მართვის ექსპერტთა ჯგუფის მე-17 სესიას (EGRM-17) დაესწრო.

კვირეულის მთავარი თემა “მდგრადობის უზრუნველყოფა რესურსების მართვაში” იყო. სესიის ფარგლებში გაიმართა სამუშაო შეხვედრები, პრეზენტაციები და დისკუსიები, რომლებიც გაეროს რესურსების ჩარჩო კლასიფიკაციის (UNFC) და რესურსების მართვის სისტემის (UNRMS) დანერგვის საკითხებს შეეხებოდა.

ღონისძიებაში მონაწილეობას იღებდნენ მინერალური რესურსების ეროვნული სააგენტოს თანამშრომლები, რომლებმაც შერჩეულ ტერიტორიაზე სხვადასხვა სახეობის ნერგები დარგეს. აქცია მიზნად ისახავს გარემოს დაცვის პროცესში თანამშრომელთა აქტიურ ჩართულობას. მინერალური რესურსების ეროვნული სააგენტოს უფროსის, აბელ აბესაძის განცხადებით, მსგავსი აქტივობები მნიშვნელოვანია გარემოს დაცვისთვის და მწვანე სივრცეების განვითარების ხელშეწყობისთვის.

გარემოს დაცვისა და სოფლის მეურნეობის სამინისტროს მინერალური რესურსების ეროვნული სააგენტოს უფროსი აბელ აბესაძე, სააგენტოს წარმომადგენლებთან ერთად, სტამბოლში გამართულ რიგით მე-12 საერთაშორისო სამთო-მოპოვებითი მრეწველობის გამოფენას დაესწრო. გამოფენის ფარგლებში მონაწილეებს შესაძლებლობა ჰქონდათ, ერთ სივრცეში გაცნობოდნენ სამთო-მოპოვებით სექტორში გამოყენებულ თანამედროვე ტექნიკასა და ინოვაციურ ტექნოლოგიებს, ასევე გაეზიარებინათ გამოცდილება და დაემყარებინათ პროფესიული კონტაქტები სხვადასხვა ქვეყნის წარმომადგენლებთან.

მინერალური რესურსების ეროვნული სააგენტოს უფროსმა აბელ აბესაძემ გეოლოგებს პროფესიული დღე მიულოცა და სააგენტოში დასაქმებულ სპეციალისტებს წიაღის სექტორის განვითარებაში შეტანილი მნიშვნელოვანი წვლილისთვის მადლობა გადაუხადა. როგორც სააგენტოს უფროსმა აღნიშნა, გეოლოგია ერთ-ერთი უმნიშვნელოვანესი სფეროა, რომელიც მოითხოვს მაღალ პროფესიონალიზმს, სიღრმისეულ ცოდნასა და დიდ პრაქტიკულ გამოცდილებას.

გარემოს დაცვისა და სოფლის მეურნეობის მინისტრმა დავით სონღულაშვილმა სსიპ მინერალური რესურსების ეროვნული სააგენტოს თანამშრომლებს ახალი უფროსი - აბელ აბესაძე ოფიციალურად წარუდგინა.

მინისტრმა ახლადდანიშნულ უფროსს წარმატებები უსურვა და აღნიშნა, რომ მისი გამოცდილება მნიშვნელოვნად შეუწყობს ხელს სააგენტოს ეფექტიან საქმიანობას.

სსიპ მინერალური რესურსების ეროვნული სააგენტოს უფროსის პირველი მოადგილე ნანა ზამთარაძე და საერთაშორისო ურთიერთობებისა და პროექტების მართვის სამსახურის უფროსი გალინა ბიწაძე შვეიცარიაში, ქ. ჟენევაში, სამთო, მინერალების, ლითონების და მდგრადი განვითარების მთავრობათაშორისი ფორუმის 21-ე ყოველწლიურ გენერალურ შეხვედრაში მონაწილეობდნენ. 

ყაზახეთის რესპუბლიკაში, ქალაქ ალმათში ცენტრალური აზიის მინერალების და მეტალების (Mining & Metals Central Asia) 30-ე საერთაშორისო გამოფენა - „სამთო კვლევები და სამთო აღჭურვილობა“ გაიმართა.

სსიპ მინერალური რესურსების ეროვნული სააგენტოს საერთაშორისო ურთიერთობებისა და პროექტების მართვის სამსახურის უფროსმა, გვანცა ბიწაძემ ჟენევაში გამართულ გლობალურ სამთავრობათაშორისო შეხვედრაში მონაწილეობა მიიღო. შეხვედრა გაერო-ს გარემოს დაცვის ასამბლეის (UNEA) რეზოლუციას 5/12 “სასარგებლო წიაღისეულის და ლითონების მართვის გარემოსდაცვით ასპექტებს“ მიეძღვნა. 

სსიპ მინერალური რესურსების ეროვნული სააგენტოს სასარგებლო წიაღისეულის მართვის დეპარტამენტისა და სალიცენზიო პირობების კონტროლის თანამშრომლებს, სამუშაო პირობების კიდევ უფრო გაუმჯობესების მიზნით, ახალი უნიფორმა, ტექნიკა და საველე აღჭურვილობები გადაეცათ

ადმინისტრაციული ბარიერების შემცირების, სახელმწიფო სერვისების ხელმისაწვდომობისა და ხარისხის გაზრდის მიზნით, სასარგებლო წიაღისეულის მოპოვების ლიცენზიის გაცემის ადმინისტრაციული წარმოების საერთო ვადები შემცირდა. 

ცვლილებები შევიდა საქართველოს მთავრობის 2005 წლის 11 აგვისტოს №136 დადგენილებაში „სასარგებლო წიაღისეულის მოპოვების ლიცენზიის გაცემის წესისა და პირობების შესახებ“, სადაც დეტალურად განისაზღვრა ლიცენზიის გაცემამდე თითოეული ეტაპის ვადები. 

საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ მინერალური რესურსების ეროვნული სააგენტოს უფროსის მოადგილე ირაკლი გელაშვილი ბრიუსელში, საქართველო-ევროკავშირის ასოცირების ეკონომიკური და დარგობრივი თანამშრომლობის ქვეკომიტეტის თემატური ჯგუფის - „სამრეწველო და საწარმოების პოლიტიკა და სამთო-მოპოვებითი საქმიანობის“ მე-8 სხდომას დაესწრო. 

მინერალური რესურსების ეროვნული სააგენტოს წარმომადგენლებმა და სასარგებლო წიაღისეულის მარაგების სახელმწიფო უწყებათაშორისი კომისიის წევრებმა გაეროს ექპერტებს უწყებათაშორისი კომისიის საქმიანობის შესახებ ინფორმაცია მიაწოდეს.

საქართველოს ეკონომიკისა და მდგრადი განვითარების სამინისტროს სსიპ მინერალური რესურსების ეროვნული სააგენტოს უფროსი ანდრო ასლანიშვილი და საერთაშორისო ურთიერთობებისა და პროექტების მართვის სამსახურის უფროსი გვანცა ბიწაძე ჟენევაში სამთო, წიაღისეულის, ლითონებისა და მდგრადი განვითარების მთავრობათაშორისი ფორუმის (IGF) მე-19 გენერალურ შეხვედრაში მონაწილეობდნენ.